टोटनह्याम दोस्रो स्थानमा, म्यानचेष्टर सिटी र लिभरपुल तेस्रोको होडमा
म्यानचेष्टर युनाइटेड चौथोसम्मको होडबाट बाहिरियो
प्रकाशित २०७४ जेठ १ सोमबार
120
Shares
ह्वाइट हार्ट लेन । टोटनह्याम हटसपरले इङलिश प्रिमियर लिग फुटबलको दोस्रो स्थान पक्का गरेको छ ।
आइतबार राति भएको खेलमा म्यानचेष्टर युनाइटेडमाथि घरेलु मैदान ह्वाइट हार्ट लेनमा २–१ को विजयी नतिजा निकाल्दै टोटनह्यामले दोस्रो स्थान पक्का गरेको हो ।
टोटनह्यामलाई जिताउन भिक्टर वान्यामा र ह्यारी केनले १–१ गोल गरे । म्यानचेष्टर युनाइटेडका लागि वाइने रुनीले एक गोल फर्काए । ३६ खेलबाट ८० अंक भएको छ ।
उपाधि जितिसकेको चेल्सीको ८७ अंक छ । म्यानचेष्टर युनाइटेडको ३६ खेलबाट ६५ अंक छ । यो हारले म्यानचेष्टर युनाइटेडको शीर्ष चारमा रहने सम्भावना पनि सकिएको छ । तेस्रो स्थानको लिभरपुलको ३७ खेलबाट ७३ अंक छ ।
लिभरपुलले आइतबार रातिको खेलमा वेष्टह्याम युनाइटेडलाई ४–० ले हरायो । लिगमा ३६ खेलबाट ७२ अंकको म्यानचेष्टर सिटी चौथो स्थानमा छ ।
आर्सनलको ३६ खेलबाट ६९ अंक छ ।
आइतबार रातिको अर्को खेलमा क्रिष्टल प्यालेसले हल सिटीलाई ४–० ले हरायो ।
हल सिटीले हार बेहोरेसंगै अर्को डिभिजनमा झरेको छ । योसंगै रेलिगेशनमा पर्ने टिमको पनि छिनोफानो भएको छ ।
हल सिटी, मिडिल्सब्रो र सन्डरल्याण्ड रेलिगेशनमा परेका छन् ।
