- सुन चाँदी दर
- विनिमय दर
- नेपाली पात्रो
- राशिफल
जाजरकोट। स्थानीय तहको निर्वाचनको पछिल्ले मत परिणाम अनुसार जिल्लाको बारेकोट गाउँपालिकाको प्रमुखमा नेपाली काँग्रेसका महेन्द्रवहादुर शाह ९ मतले विजयी भएका छन् ।
प्रतिद्वन्द्वी माओवादी केन्द्रका तिलकबहादुर रावतलाई ९ मतले हराउँदै शाह विजयी भएका हुन् । शाहले ३ हजार १ सय ३८ मत पाएका छन् भने रावतले ३ हजार १ सय २९ मत पाएका छन् ।
त्यस्तै उपप्रमुखमा माओवादी केन्द्रकी उमा शाही विजयी भएकी छिन् । उनले २ हजार २ सय २४ मत पाएकी छिन् ।
जाजरकोटमा यो सहित नेपाली काँग्रेसले दुई गाउँपालिका जितेको छ भने एमालेले एक गाउँपालिकामा प्रमुख र उपप्रमुख जितेको छ ।
कुसे गाउँपालिकामा काँग्रेसका हरिचन्द्र बस्नेत प्रमुख र उपप्रमुखमा काँग्रेसकै रामछाया शाही विजयी भएका थिए।
अन्य नगरपालिका र गाँउपालिकाको मतगणनाको अवस्था भौगोलिक विकटता र मौसमी खरावीका कारण बिहानसम्म नआएको निर्वाचन समन्वय समितिका संयोजक एवम सहायक प्रमुख जिल्ला अधिकारी जनकराज शर्माले बताए ।