-
-
-
-
वालिङ। स्याङ्जाको पुतलीबजार नगरपालिकाको प्रमुख पदमा महिला उम्मेदवार विजयी भएकी छन् ।
गएराति सम्पन्न मतगणनाबाट नेकपा (एमाले)बाट उम्मेदवारी दिकी सीमा क्षेत्री कुल १० हजार २४९ मत ल्याई विजयी भएकी हुन् । क्षेत्रीका निकटतम प्रतिद्वन्द्वी नेपाली काँग्रेसका तुलसीराम रेग्मीले नौ हजार २९ मत प्राप्त गरिन् ।
त्यस्तै, उपप्रमुख पदमा पनि नेकपा (एमाले)कै महेश पुरी १० हजार ३८८ मतसहित विजयी भए भने नेकाकी हिरादेवी शर्माले आठ हजार ४४४ मत ल्याएका थिए ।
जम्मा १४ वटा वडा रहेको पुतलीबजार नगरपालिकाको १० वटा वडामा नेकपा (एमाले) र चारवटा वडामा नेका विजयी भएको हो । पुतलीबजारको मतगणना सकिएसँगै स्याङ्जा जिल्लाका सबै ११ वटै स्थानीय तहको नतिजा आइसकेको छ ।
