-
-
-
-
काठमाडौँ । गत वैशाख ३१ गते सम्पन्न स्थानीय तह निर्वाचनबाट हालसम्मको मत परिणामानुसार १२ हजार ९ सय ६४ प्रतिनिधि निर्वाचित भएका छन् ।
संयुक्त निर्वाचन परिचालन केन्द्र (जेइओसी) बाट प्राप्त जानकारीअनुसार हालसम्म २८३ स्थानीय तहमध्ये २७८ स्थानीय तहको मतगणना सकिएको निर्वाचन आयोगका प्रवक्ता सूर्यप्रसाद शर्माद्वारा जारी प्रेस विज्ञप्ति उल्लेख छ ।
पछिल्लो विवरणानुसार नगर प्रमुख वा अध्यक्ष २७८, उपाध्यक्ष, उपप्रमुख २७८, वडाध्यक्ष दुई हजार ५१३, वडा सदस्य पाँच हजार २०, महिला सदस्य दुई हजार ५०८ र दलित महिला सदस्य दुई हजार ३६७ जना निर्वाचित भएको आयोगले जनाएको छ । अब पाँच स्थानीय तहको विवरण आउन बाँकी छ ।
