पोखरा महानगरको वडा नं २७ मा काँग्रेस प्यानल विजयी, २८ मा एमाले
प्रकाशित २०७४ जेठ १२ शुक्रबार
124
Shares
पोखरा । पोखरा लेखनाथ महानगरपालिका वडा नं २७ मा नेपाली काँग्रेसको प्यानल विजयी भएको छ ।
वडाध्यक्षमा नेपाली काँग्रेसका पूर्णकुमार गुरुङ एकहजार ६९० मतसहित विजयी बने भने उनका निकटतम प्रतिद्वन्द्वी नेकपा एमालेका कुमार गुरुङले एक हजार ३६७ मत प्राप्त गरे ।
वडाको खुला सदस्यद्वयमा प्रेमप्रसाद बराल र शेखरनाथ लामिछाने, महिला सदस्यमा बुद्धिमाया रिजाल र दलित महिला सदस्यमा सरस्वती सार्की विजयी बने ।
वडा नं २८ मा एमाले विजयी
पोखरा–लेखनाथ महानगरपालिका वडा नं २८ मा एमालेको प्यानलै विजयी भएको छ ।
वडा नं २८ को वडाध्यक्षमा नेकपा एमालेका निर्मल दियाली सुनारले एक हजार ५२५ मत ल्याई विजयी भए ।
उनका निकटतम प्रतिद्वन्द्वी नेपाली काँग्रेसका विकास लामा गुरुङले एक हजार ४४८ मत ल्याए ।
त्यस्तै, महिला सदस्यमा अम्बिका बुढाथोकी, दलित महिला सदस्यमा कल्पना परियार, खुला सदस्यहरुमा बैनबहादुर क्षेत्री र विष्णुप्रसाद तिवारी निर्वाचित भए। रासस
