काठमाडौँ महानगरमा एमाले र काँग्रेसको सहकार्य, सपथ १७ गते
६१८३ मत बदर
प्रकाशित २०७४ जेठ १४ आइतबार
392
Shares
काठमाडौँ । काठमाडौँ महानगरपालिकाको प्रमुखमा नेकपा एमालेका विद्यासुन्दर शाक्य ६४ हजार ९१३ मत प्राप्त गरी विजयी भएका छन् । उनका निकटतम प्रतिद्वन्द्वी नेपाली काँग्रेसका राजुराज जोशीले ४५ हजार २६९ मत प्राप्त गरे ।
दुईसातादेखि जारी मतगणना सम्पन्न भएपछि राष्ट्रिय सभागृहमा मुख्य निर्वाचन अधिकृत जितेन्द्र अधिकारीले मतपरिणाम घोषणा गरेका हुन् ।
यसैगरी उपप्रमुख पदमा नेपाली काँग्रेसकी हरिप्रभा खड्गीले ५८ हजार ९५२ मत प्राप्त गरी विजयी भइन् भने उनका निकटतम प्रतिद्वन्द्वी राष्ट्रिय प्रजातन्त्र पार्टीका राजाराम श्रेष्ठले ३४ हजार ८५४ मत प्राप्त गरे ।
कुल दुई लाख ७९ हजार ३०६ मतदाता रहेको महानगरपालिकामा एक लाख ९७ हजार २२७ मत खसेको थियो भने छ हजार १८३ मत बदर भएको थियो ।
महानगरपालिकाका प्रमुख, उपप्रमुख लगायतको सपथ ग्रहण यही जेठ १७ गते बुधबार बिहान ११ बजे राष्ट्रि सभागृहमा हुने निर्वाचन आयोगले जनाएको छ ।
