- सुन चाँदी दर
- विनिमय दर
- नेपाली पात्रो
- राशिफल
निजगढ । प्रधानमन्त्री पुष्पकमल दाहालले विकास निर्माण गर्ने कार्यमा वन तथा भू–संरक्षण मन्त्री शंकर भण्डारी आफू भन्दा पनि क्रान्तिकारी रहेको बताएका छन् ।
वन तथा भू–संरक्षण मन्त्री भण्डारीको सहयोगका कारण आफ्नो कार्यकालमा ऐतिहासिक विकास निर्माण कार्य अगाडि बढाउन सफल भएको प्रधानमन्त्री दाहालको भनाई रहेको छ । सो कुरा प्रधानमन्त्री दाहालले आज निजगढमा द्रुत मार्ग शिलान्यास समारोहमा बताएका हुन् ।
त्यसक्रममा प्रधानमन्त्री दाहालले द्रुत मार्गको जिम्मा नेपाली सेनालाई दिन मन्त्री भण्डारीले भूमिका खेलेको भन्दै मन्त्री भण्डारीको प्रशंसा समेत गरेका थिए ।
त्यस्तै प्रधानमन्त्री दाहालले द्रुत मार्ग निर्माणमा भौतिक तथा यातायात मन्त्री रमेश लेखकले समेत महत्वपूर्ण भूमिका निर्वाह गरेको भन्दै मन्त्री लेखकको समेत प्रशंसा गरेका थिए । कार्यक्रम प्रधानमन्त्री दाहालले द्रुतमार्गको दुरगामी महत्व भएको र द्रुत मार्गले तराई र हिमाललाई जोड्ने समेत बताएका थिए ।