- सुन चाँदी दर
- विनिमय दर
- नेपाली पात्रो
- राशिफल
भरतपुर । भरतपुर महानगरपालिकामा एमाले र माओवादी केन्द्रले आपसमा दोषारोपण गरिरहँदा चितवन मुख्य निर्वाचन अधिकृतको कार्यालयले भने मतगणनास्थल नै कब्जामा लिने प्रयास गरिएको जनाएको छ ।
मुख्य निर्वाचन अधिकृतको कार्यालयले जारी गरेको विज्ञप्तिमा मतगणनास्थल कब्जामा लिने प्रयास भएको जनाइएको छ ।
जवरजस्ती मतगणनास्थलमा भएका प्रतिनिधिहरु मतपत्र रहेको स्थलमा गई मतपत्र च्यात्ने र मतगणनास्थल कब्जामा लिने प्रयासमा संलग्न रहेको भन्दै प्रहरी दुई जना माओवादी केन्द्रका र एक जना एमालेका प्रतिनिधिलाई पक्राउ गरेको छ ।
वडा नम्बर १९ को मतगणना भइरहेको समयमा आइतबार राति भएको यो घटनापछि मतगणना कार्य रोकिएको छ ।
निर्वाचन अधिकृतको कार्यालयले अर्को सूचना जारी नभएसम्म मतगणना स्थगित रहने जनाएको छ ।
निर्वाचन ऐन २०७३ अनुसार मतगणना नसक्दासम्म मतपत्र च्यातिएमा यस्तो स्थानमा पुनः मतदान गराउनुपर्ने कानूनी व्यवस्था छ ।