- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली कांग्रेसका सभापति शेरबहादुर देउवा नेतृत्वको सरकारमा मधेस केन्द्रित दल फोरम लोकतान्त्रिक सहभागी हुने निश्चित भएको छ ।
पार्टी स्रोतका अनुसार फोरम नेपालबाट अध्यक्ष विजय गच्छदार नै सरकारमा जाने भएका छन् ।
उनले उपप्रधानमन्त्रीसहित यसअघिकै मन्त्रालय स्थानीय विकासमा दाबी गरेका छन् ।
त्यसबाहेक अरु दुई मन्त्रालय पनि फोरम लोकतान्त्रिकले पाउने सहमति भएको स्रोतको भनाइ छ ।
यसअघिकै सरकारका मन्त्रीलाई दोहोर्याउने विषयमा भने गच्छदारको पार्टीभित्र विवाद भएको छ ।
यस्तै राप्रपालाई चारवटा मन्त्रालय दिन कांग्रेस सभापति देउवा तयार रहेको स्रोतले बतायो ।
तर, उपप्रधानमन्त्री दिने या नदिने, टुंगो नलागेको स्रोतको भनाइ छ ।
राप्रपाका अध्यक्ष कमल थापाले भने उपप्रधानमन्त्रीसहित चार मन्त्रालय दाबी गरेका छन् ।
राप्रपा चुनावअघिनै सरकारमा जान इच्छुक छ । (नागरिक दैनिक)