आमिर र अमिताभको चलचित्र 'ठग्स अफ हिंदुस्तान'को सुटिङ रद्द
प्रकाशित २०७४ जेठ २६ शुक्रबार
456
Shares
एजेन्सी । आमिर खान र अमिताभ बच्चनको आगामि चलचित्र 'ठग्स अफ हिन्दुस्तान' को सुटिङ सुरु भएसँगै रोकिएको छ । मुम्बईमा मनसुन सुरु भएकाले चलचित्रको सुटिङ रोक्नु परेको हो ।
भारतिय सञ्चारमाध्यमका अनुसार चलचित्रको सुटिङ मालडमा भइरहेको थियो । पानी पर्न सुरु भएपछि सुटिङ सेट बन्द गर्नु पर्यो । सन् २०१८ को दिपावालीमा रिलीज हुने आमिरको यो चलचित्र पात्र र कथाका कारण चर्चामा रहेको छ ।
चलचित्र चार लुटेरा आमिर खान, अमिताभ बच्चन, फातिमा सना शेख र कट्रिना कैफ रहेका छन् । चलचित्र यशराज फिल्मसको ब्यानरमा अहिलेसम्म कै ठूलो बजेटमा बन्दै गरेको बताइएको छ ।
'ठग्स अफ हिन्दुस्तान' आमिर, कट्रिना र विजय कृष्ण आचार्यको दोस्रो सँगै काम गरेको चलचित्रहो । उनीहरुले यो भन्दा पहिले 'धूम थ्री' मा सँगै काम गरेका थिए । चलचित्रमा विजय कृष्ण आचार्य निर्देशक रहेका छन् ।
चलचित्रमा आमिर र अमिताभ बच्चन भने पहिलो पटक काम गर्दैछन् । त्यस्तै कट्रिना र अमिताभ बच्चन 'सरकार' र 'बूम' मा सँगै काम गरिसकेका छन् ।
