अफगानिस्तानमा पाकिस्तानी कुटनितिज्ञ बेपत्ता

प्रकाशित मिति : २०७४ असार ४ आइतबार , १,११६ पटक हेरिएको

इस्लामाबाद । अफगानिस्तानमा रहेको पाकिस्तानको वाणिज्य दूतावासका दुई कूटनीतिज्ञ गत शुक्रबारबाट बेपत्ता भएका पाकिस्तानले पुष्टि गरेको छ । 

पाकिस्तान विदेश मन्त्रालयका अधिकारीका अनुसार सडकमार्गबाट पाकिस्तान फर्किने क्रममा बीचै बाटोबाट उनीहरु वेपत्ता भएका हुन् । ती कूटनीतिज्ञलाई सुरक्षितरुपमा पत्ता लगाई दिन पाकिस्तान विदेश मन्त्रालयले अफगान अधिकारीसँग अनुरोध गरेको विदेश मन्त्रालयका प्रवक्ताले जानकारी दिएको छ । अफगान अधिकारी ती कूटनीतिज्ञलाई सुरक्षितरुपमा फेला पार्ने कोसिस जारी रहनुको साथै घटनाको अनुसन्धान सुरु भएको पाकिस्तान सरकारलाई जानकारी दिएका छन् । 

पाकिस्तानले अफगान सरकारलाई आफ्ना अधिकारीलाई फेला पार्न सक्दो प्रयास जारी राख्नसमेत अनुरोध गरेको छ । पाकिस्तानको लागि अफगानिस्तानी राजदूत ओमार जाखिलवालले आइतबार घटनाको पुष्टि गरेका हुन् ।जाखिलवालले भनेका छन् ‘म पक्का छु कि हाम्रा योग्य संस्थाले ती अधिकारी पत्ता लगाउने छ’ सिन्ह्वा 
 

नयाँ