कन्फेडेरेशन कप फुटबलः रोनाल्डोको गोलले पोर्चुगल विजयी
प्रकाशित २०७४ असार ८ बिहिबार
280
Shares
रुस । रुसमा भइरहेको कन्फेडेरेशन कप फुटबलमा पोर्चुगलले पहिलो जित निकालेको छ । बुधबार राति भएको खेलमा पोर्चुगलले आयोजक रुसलाई १–० ले हराएको हो ।
पोर्चुगललाई विजयी गराउन क्रिश्चियानो रोनाल्डोले खेलको ९ मिनेटमा गरेको गोल नै निर्णायक बनेको हो ।
त्यसपछि गोलका लागि गरेका थुप्रै प्रयास खेर गए । यो जितसंगै पोर्चुगलले सेमिफाइनल सम्भावना बलियो बनाएको छ । यसअघि न्युजिल्याण्डलाई हराएको रुसको पनि सम्भावना कायमै छ ।
अर्को खेलमा मेक्सिकोले न्युजिल्याण्डलाई २–१ ले हरायो ।
मेक्सिकोलाई विजयी गराउन राउल जिमिनेज र ओरिबे पेराल्टाले एक एक गोल गरे । यो जितले मेक्सिकोको पनि सेमिफाइनल सम्भावना बलियो भएको छ ।
समुह ए बाट दुई खेलबाट पोर्चुगल र मेक्सिकोको ४–४ अंक छ भने तेस्रो स्थानको रुसको ३ अंक छ ।
अन्तिम खेलमा रुस र मेक्सिको तथा पोर्चुगल र न्युजिल्याण्ड खेलेपछि सेमिफाइनल पुग्ने दुई टोलीको टुंगो लाग्नेछ । न्युजिल्याण्ड भने बाहिरिएको छ ।
कन्फेडेरेसन कप फुटबलमा बिहीबार राति समूह बी का दुबै खेल हुनेछन् । राति ८ः४५ बजे क्यामरुन र अष्ट्रेलिया तथा राति ११ः४५ बजेजर्मनी र चिली भिड्ने छन् ।
पहिलो खेलमा जर्मनीले अष्ट्रेलियालाई ३–२ ले तथा चिलीले क्यामरुनलाई २–० ले हराएको थियो ।
