रुस । रुसमा भएको कन्फेडेरेशन कप फुटबलको उपाधि जर्मनीले जितेको छ । फाइनलमा चिलीलाई १–० ले पराजित गर्दै जर्मनीले उपाधि जितेको हो ।
विश्व च्याम्पियन जर्मनीलाई विजयी गराउन खेलको २० मिनेटमै लार्स स्टान्डिलले निर्णायक गोल गरेका हुन् । कोपा अमेरिका विजेता चिली र जर्मनी एकै समूहमा रहेका थिए ।
त्यो खेल भने बराबरीमा सकिएको थियो । तर फाइनलमा उल्लेखनीय प्रदर्शन गर्न नसकेको चिली पराजित भयो ।
पहिलो पटक कन्फेडेरेशन कप जितेको जर्मनीका लागि गोलकिपर कार्क एन्द्रे टर स्टेगेनले आकर्षक बचाउ गरेसंगै जित सुनिश्चित भएको हो ।
पोर्चुगलले भने तेस्रो स्थान ओगटेको छ । पोर्चुगलले मेक्सिकोलाई २–१ ले हराएको हो । ५५ औं मिनेटमा आत्मघाती गोल खाएर पछि परेको पोर्चुगललाई पेपेले ९० औं मिनेटमा गोल दिलाउँदै बराबरी गरे ।
त्यसपछि एक्स्ट्रा टाइममा धकेलिएको खेलको १०४ औं मिनेटमा एद्रियन सिल्भाले पेनाल्टीबाट गोल गरेपछि पोर्चुगल विजयी भयो ।
खेल भने तनावपूर्ण रह्यो । १०६ मिनेटमा पोर्चुगलका नेल्सिन्हो र ११२ औं मिनेटमा राउल जिमेनेजले दोहोरो कार्ड खाँदै मैदानबाट बाहिरिनु परेको थियो ।
