परराष्ट्रमन्त्री महराले कुरा फेरे, संविधान संशोधनपछि २ नम्बर प्रदेशको निर्वाचन

परराष्ट्रमन्त्री महराले कुरा फेरे, संविधान संशोधनपछि २ नम्बर प्रदेशको निर्वाचन

प्रकाशित २०७४ असार ३१ शनिबार

तुलसीपुर । उपप्रधान तथा परराष्ट्रमन्त्री कृष्णबहादुर महराले संविधान संशोधनपछि मात्र २ नम्बर प्रदेशको निर्वाचन हुने बताएका छन् । केही दिन पहिले बाटलुवाटारमा भएको तीन दलको बैठकपछि महरा र काँग्रेस नेता विमलेन्द्र निधिले दुई तिहाई नपुग्ने भएपछि तत्काल संविधान संशोधन प्रस्ताव अघि नबढ्ने बताएका थिए ।
शनिबार प्रेस सेन्टर दाङले घोराहीमा गरेको पत्रकार सम्मेलनमा महराले कुरा फेरेका हुन् । उनले संविधान संशोधन गर्नका लागि एमालेले समेत साथ दिनुपर्ने बताए ।

महराले सबै दललाई सहमतिमा ल्याएर मात्र चुनाव गराउनको लागि यसअघि सरकारले दुई नम्बर प्रदेशको चुनावको मिति सारेको स्पष्ट पारे ।

उपप्रधानमन्त्री महराले संविधान संशोधन गरेर २ नम्बर प्रदेशको निर्वाचन गर्ने बताए पनि संशोधनको आवश्यक संख्या सरकारले कसरी जुटाउँछ भन्नेबारे भने केही पनि बताएनन् । यद्यपि, एमालेले केही लचक हुने संकेत दिएको महराले बताएका छन् ।