- सुन चाँदी दर
- विनिमय दर
- नेपाली पात्रो
- राशिफल
काडमाडौं । १९ वर्ष मुनिको विश्वकप क्रिकेट छनोट प्रतियोगितामा सहभागी हुन नेपाली युवा क्रिकेट टोली मलेसिया गएको छ । राजु रिजालको कप्तानीमा मलेसिया गएको टोलीले अर्को वर्ष बंगलादेशमा हुने विश्वकप १९ वर्ष मुनिको क्रिकेटमा छानिने लक्ष्य लिएको छ ।
मलेसियाको क्वालालम्पुरमा बिहीबारबाट सुरु हुने छनोट प्रतियोगितामा नेपालसहित आयरल्याण्ड, पपुवा न्युगिनी, युगाण्डा र अमेरिका सहभागी छन् । राउण्ड रोबिन लिगका आधारमा संचालन हुने प्रतियोगिताको शीर्ष स्थानमा रहने टोली विश्वकप क्रिकेटका लागि छनोट हुने छ । नेपालले आफ्नो पहिलो खेल बिहीबार पपुवा न्युगिनीसंग खेल्नेछ ।
अन्तर्राष्ट्रिय क्रिकेट परिषद् आइसीसीले क्षेत्रीय छनोट प्रतियोगिता सकेपछि सबै समूहका उपविजेता टोलीका लागि अन्तिम मौका स्वरुप छनोट प्रतियोगिता आयोजना गरेको हो ।
गत अगष्टमा मलेसियामा भएको एसीसी युथ नाइन्टिन प्रिमियर लिग क्रिकेटमा उपविजेता बनेपछि नेपालले छनोट प्रतियोगिता खेल्ने अवसर पाएको हो । प्रतियोगितामा नेपाललाई हराउँदै विजेता बनेको अफगानिस्तान एसियाली समूहबाट सोझै छनोट भइसकेको छ । नेपाली टोलीको मलेसिया यात्रा संघर्षरत हुनेछ ।