पाल्पा । जिल्लामा गत आर्थिक वर्षको तुलनामा आर्थिक वर्ष २०७३÷०७४ मा राहदानी बनाउने युवाहरुको सङख्यामा ३०.३८ प्रतिशतले कमी आएको छ । जिल्ला प्रशासन कार्यलयले आयोजना गरेको पत्रकार भेटघाटमा प्रमुख जिल्ला अधिकारी बाबुराम गौतमले जिल्लामा बेरोजगारका अवसरको कारणले कमी आएको बताए ।
प्रमुख जिल्ला अधिकारी गौतमका अनुसार आर्थिक वर्ष ०७३÷०७४ मा साधारण राहदानी अन्र्तगत ४ हजार २ सय २९ , दु्रत अन्र्तगत १ हजार ३ सय ३९ गरी बाकीँ ४ हजार ६ सय ५० वितरण भएकोमा अघिल्लो आर्थिक वर्षमा साधारण तर्फ ६ हजार ८९ , दु्रत अन्र्तगत २ हजार ३१ वटा वितरण गरिएको मा आर्थिक वर्ष ०७३÷०७४मा अघिल्लोको तुलनामा कमी भएको हो ।
जिल्ला प्रशासन कार्यलयद्धरा आयोजित पत्रकार भेटघाटमा राहदानी बनउनेहरुको मात्र नभई नागरिकताको प्रमाण पत्र बनाउनेको पनि सङख्यामा समेत कमी आएको जानकारी गराईएको थियो । आर्थिक वर्ष ०७३÷०७४ को अवधिमा वंशजको आधारमा ९ हजार २ सय ३६ जनाले लिएकोमा अघिल्लो आर्थिक वर्षमा ११ हजार ८ सय ८६ जनाले लिएका थिए । यो गत वर्षको तुलनामा २२.२९ प्रतिशतले कमी आएको हो ।
त्यस्तै गरि आर्थिक वर्ष ०७३÷०७४ को अवधिमा प्रतिलिपी नागरीकता १ हजार ६ सय ३० जनाले बनाएकोमा अघिल्लो आर्थिक वर्षमा १ हजार ५ सय १६ जनाले बनाएका थिए । यो गत वर्षको तुलनामा भने ७.५१ प्रतिशतले वृद्धि भएको प्रमुख जिल्ला अधिकारी गौतमले बताए ।
