-
-
-
-
गाले । भारत र श्रीलंकाबीचको पहिलो टेष्ट क्रिकेट गालेमा सुरु भएको छ । खेलमा टस जितेर भारतले पहिले ब्याटिङ गरिरहेको छ ।
मुरली विजय फिट नभएको र लोकेश राहुल बिरामी भएका कारण खेल्न नसकेपछि शिखर धवन टिममा फर्केका छन् । धवन सन् २०१६ को सेप्टेम्बरपछि पहिलो पटक टेष्ट मैदानमा रहेका छन् ।
यसै टेष्टबाट भारतीय खेलाडी हार्दिक पाण्डेयाले डेब्यू गरेका छन् । त्यसैगरी श्रीलंकाबाट दनुष्का गुणातिलकाले डेब्यू गरेका छन् ।
भारत ३ टेष्ट, ५ एक दिवसीय र एउटा टी–२० खेल्न श्रीलंका गएको हो ।
घरमा बलियो मानिने लंकन टिमले पछिल्लो ६ टेष्टमा ५ टेष्ट जितेको छ । भारतले श्रृंखलामा क्लिनस्वीप गरे श्रीलंकाको भुमिमा सबैभन्दा बढी टेष्ट जित्ने विदेशी टिम बन्नेछ ।
२१ खेलमा भारतले ६ खेलमात्र जितेको छ । जबकी पाकिस्तानले ८ खेल जितेको छ ।
