साढे ३ बजेसम्म भरतपुर-१९ मा ७० प्रतिशत मत खस्यो, साँझदेखि नै गणना सुरु गर्ने प्रयास
प्रकाशित २०७४ साउन २० शुक्रबार
190
Shares
‘काठमाडौं । स्थानीय तहको पहिलो चरणको निर्वाचन अन्तर्गत् भरतपुरको वडा नम्बर १९ मा जारी मतदानमा दिउँसो साढे ३ बजेसम्म करिव ७० प्रतिशत मत खसेको छ।निर्वाचन आयोगका आयुक्त नरेन्द्र दाहालका अनुसार दिनको साढे ३ बजे सम्ममा करिव ७० देखि ७२ प्रतिशत सम्म मत खसेको जानकारी आफूलाई प्राप्त भएको बताए ।
पहिलो चरणमा भएको निर्वाचनको मतगणना भइरहेको बेला मतपत्र च्यातिए पछि दुई महिनाभन्दा अघिदेखि मतगणना स्थगित भएको थियो । निर्वाचन आयोगले पुनः निर्वाचन गराउने निर्णयको पक्षमा सर्वोच्च अदालतले फैसला सुनाए पछि शुक्रबार बिहानैबाट महानगरपालिकाको वडा नम्बर १९ का मतदाताहरु मतदानमा व्यस्त छन् । कडा सुरक्षाकाबीच भइरहेको मतदान वर्षाको कारण प्रभावित भए पनि मतदाताको उल्लेख्यमात्रामा उपस्थिती रहेको छ।
मतदान बेलुका ५ बजे सम्म हुने निर्वाचन कार्यलयले जनाएको छ । भरतपुर महानगरपालिकाको प्रमुखमा माओवादीबाट मेयरकी उम्मेदवार रेणु दाहाल र एमालेका देवि ज्ञवालीकाबीच कडा प्रतिस्पर्दा भइरहेको छ।
