डिफेन्डिङ च्याम्पियन चेल्सी पहिलो खेलमै पराजित, दुई रातो कार्ड
प्रकाशित २०७४ साउन २९ आइतबार
223
Shares
स्टामफोर्ड ब्रिज । डिफेन्डिङ च्याम्पियन चेल्सी इंगलिस प्रिमियर लिग फुटबलको पहिलो खेलमै पराजित भएको छ ।
चेल्सी घरेलु मैदानमा शनिबार राति भएको खेलमा बर्नलीसंग ३–२ ले पराजित भएको हो । खेलको १४ मिनेटमै कप्तान गेरी काहिल रातो कार्ड खाइ बाहिरिए ।
१० जनामा समेटिएको चेल्सीले धमाधम ३ गोल खायो । साम भोक्सले २ तथा स्टेफेन वार्डले गोल गरे ।
निकै दबाबमा आएको चेल्सीले त्यसपछि अल्भारो मोराटाले गोल गर्दै अन्तर कम गरे । ८१ औं मिनेटमा सेस्स फेब्रिगासले दोहोरो पहेंलो कार्ड खाइ बाहिरिंदा चेल्सी थप पीडामा पुग्यो ।
८८ औं मिनेटमा डेभिड लुइजले गोल गर्दै २–३ को स्थितिमा ल्याएका थिए । यो हारले भने चेल्सीलाई आगामी खेलमासमेत चुनौति बढेको छ ।
म्यानचेस्टर सिटीले भने विजयी सुरुआत गरेको छ । चेल्सीले नवप्रवेसी ब्राइटनलाई २–० ले हरायो । त्यस्तै एभर्टनले स्टोक सिटीलाई १–० ले हरायो ।
लिभरपुलले वाटफोर्डसंग ३–३ को तथा स्वान्सी सिटीले गोलरहीत बराबरी खेल्यो ।
नवप्रवेसी हर्डल्सफिल्ड टाउनले क्रिस्टल प्यालेसलाई ३–० ले तथा वेस्टब्रोमले बर्नमाउथलाई १–० ले हरायो ।
आइतबार साँझ १८ः१५ बजे न्युकासलले टोटनह्यामसंग र राति २०ः४५ बजे म्यानचेस्टर युनाइटेड र वेस्टह्याम युनाइटेड भिड्ने छन् ।
