वर्षा रोकिएसँगै विराटनगरमा राहत वितरणको काम तीब्र, शेखरले गरे सुरुवात
कुुमोद अधिकारी,
प्रकाशित २०७४ साउन ३० सोमबार
185
Shares
विराटनगर । वर्षा रोकिएसँगै मोरङका बाढी पीडितहरुलाई राहत वितरणको काम सोमबारदेखी तीव्र रुपमा हुुन थालेको छ।
नेपाली काँग्रेसका केन्द्रीय सदस्य डाक्टर शेखर कोइरालाले सोमबार विराटनगर महानगरपालिका वार्ड नम्वर ६ र ७ तथा १९ मा रहेको बाढी पीडितहरु विभिन्न खाद्यान्न सामाग्रीहरु वितरण गरे । नेता कोइरालाले सडकमा पाल टाँगेर वसेका बाढी पीडितहरुलाई चाउचाउ तथा स्वच्छ खानेपानी वितरण गरेका थिए ।
नेता कोइरालाले बाढी पीडितहरुको उचित व्यवस्थापनका लागि आफू लागि रहेको सो अवसरमा बताएका थिए । उनले विराटनगर महानगरपालिकामा विभिन्न स्थानमा आश्रय लिइरहेका बाढी पीडितहरुको अवस्थाको बारेमा समेत जानकारी लिए ।
यसैगरी, आजै विराटनगर राउण्ड टेवुुल न ५ का पूर्व सदस्यहरुले बुुधनगरका ५ सय बाढी पीडितलाई चिउरा भुुजा चाउचाउ लगायतका खाद्यान्न सामग्री वितरण गरेको जनाएको छ ।
