- सुन चाँदी दर
- विनिमय दर
- नेपाली पात्रो
- राशिफल
एजेन्सी । बलिउड अभिनेता अक्षय कुमार र भूमि पेडनेकरको चलचित्र 'ट्वाइलेट: एक प्रेम कथा' बक्स अफिसमा राम्रो कमाइ गरिरहेको छ । सानो बजेटमा बनेको चलचित्रले पाँच दिनमा धमाकेदार कमाई गरेको छ ।
मंगलबार भारतको स्वतन्त्रता दिवसको दिन चलचित्रले २० करोड कमाई गरेको छ । योसँगै चलचित्रले पाँच दिनमा ८३ करोड माथिको कमाई गरेको छ । बलिउड बजार विश्लेषक तरन आदर्शले ट्वीट गर्दै चलचित्रको कमाईको जानकारी दिएका छन् ।
चलचित्रले शुक्रवार १३.१० करोड, शनिवार १७.१९ करोड, आइतबार २१.२५ करोड, सोमवार १२ करोड र मंगलवार २० करोड भारतीय रुपैया कमाएको हो । चलचित्रले जम्मा पाँच दिनमा ८३.४५ करोड रूपैया कमाएको छ ।
यो भन्दा पहिले रिलीज भएको शाहरूख खान र अनुष्का शर्माको चलचित्र 'जब हेरी मेट सेजल' ले पाँच दिनमा करीब ५६ करोड रुपैया मात्र कमाएको थियो ।
'ट्वाइलेट' भारतमा कुल ३ हजार स्क्रीनमा मात्र रिलीज भएको कारण पनि चलचित्रको कमाईलाई राम्रो मानिएको हो । चलचित्रले भारतको ग्रामिण क्षेत्रमा रहेको बिकृतिलाई नङगाएको छ । साथै चलचित्रमा ट्वाइलेटका लागि अक्षयले गरेको संघर्ष देखाइएको छ ।
चलचित्रमा अक्षय, भूमि लगायत अनुपम खेर, दिव्येंदु शर्मा र सुधीर पाण्डे मुख्य भूमिकामा रहेका छन् । चलचित्र को लेखन र निर्देशन श्री नारायण सिंहले गरेका छन् । चलचित्रलाई समिक्षले पनि राम्रो रहेको बताएका छन् । साथै चलचित्रलाई मुल्याङनमा पनि राम्रो दिएको छ ।