-
-
-
-
इटहरी । गत शुक्रबार राति आएको बाढीबाट पीडित बनेकाहरुका लागि नेपाली काँग्रेसको युवा दस्ता तरुण दलका युवाहरु राहत संकलनमा लागेका छन् ।
विभिन्न देशका युवाहरुबाट सहयोग रकमहरुलाई संकलन गर्दै पिडितहरुलाई राहत संकलन भईरहेको हो ।
२ सय ३० थान त्रिपाल, २१ कार्टुन लत्ताकपडा लगायतका सामाग्री संकलन भईसकेको जनाइएको छ ।
नेपाल तरुण दलका सुनसरी सभापति शिजन गुरुङले राहत संकलनमा लागी परेको बताए ।
उनले पिडितहरुको लागी काठमाडौं तथा अन्य ठाउँबाट आएको रकम सामाग्री सुनसरीका बाढीपिडितहरुलाई बाँड्ने बताए ।
‘सुनसरीमा परेको विपतीले धेरैको मन रोएको छ यतीवेला हामीले सहयोग गरौ र गर्ने वातावरण मिलाउँ’, सभापति गुरुङले भने ।
वुल्स इलेभेन क्लब इटहरीका अध्यक्ष पूर्ण राईले बाढी पिडितहरुलाई राहत संकलनको कार्य भईरहेको बताए ।
बाढी पिडितहरुलाई वस्न खानको लागी राहतको आवश्यक परेकोले राहत संकलन तथा वितरण भईरहेको उनको भनाई थियो ।
इटहरी बर्षेनी ढुब्नुमा नेताहरुको कमजोरी भएको भन्दै बाध बाध्ने काममा स्थानीय तथा केन्द्रिय सरकार सक्रिय हुन उनको आग्रह छ ।
