-
-
-
-
लन्डन । इंगलिस प्रिमियर लिग फुटबलमा म्यानचेस्टर युनाइटेड आक्रामक रुपले मैदानमा प्रस्तुत भएको छ । दुई खेलबाट ६ अंक बटुल्दै शिर्ष स्थानमा रहेको म्यानचेस्टरले शनिबार स्वान्सी सिटीलाई उसकै मैदानमा ४–० ले हरायो ।
बेली, लुकाकु, पोग्बा र मार्सियलले म्यानचेस्टरलाई जिताए ।
आर्सनल भने पराजित भएको छ । आर्सनललाई स्टोक सिटीले १–० ले हराएको हो । लिभरपुल भने खेलमा फर्किएको छ ।
पहिलो खेलमा बराबरीमा रोकिएको लिभरपुलले दोस्रो खेलमा क्रिस्टल प्यालेसलाई १–० ले हरायो । त्यस्तै लेस्टरले ब्राइटनलाई २–० ले, साउथह्याम्पटनले वेस्टह्यामलाई ३–२ ले, वेस्टब्रोमले बर्नलीलाई १–० ले, वाटफोर्डले बर्नमाउथलाई २–० ले हरायो ।
आइतबार साँझ ६ः१५ मा हडर्सफिल्डले न्युकासल युनाइटेडसंग तथा राति ८ः४५ बजे टोटनह्यामले डिफेन्डिङ च्याम्पियन चेल्सीसंग खेल्नेछ ।
