इंगलिस प्रिमियर लिगमा म्यानचेस्टर युनाइटेड लयमा, सिटी पनि विजयी
प्रकाशित २०७४ भदौ ११ आइतबार
169
Shares
ओल्ड ट्राफोर्ड । इंगलिस प्रिमियर लिग फुटबलमा म्यानचेस्टर युनाइटेड लयमा देखिएको छ । युनाइटेडले जारी सिजनको तेस्रो खेलमा पनि सफलता हासिल गर्दै शिर्ष स्थानलाई कायमै राखेको छ ।
घरेलु मैदानमा खेलेको म्यानचेस्टर युनाइटेडले लेस्टर सिटीलाई २–० ले हराएको हो ।
रोमेलु लुकाकु पेनाल्टी गोल गर्न चुकेको खेलमा मार्कस राशफोर्ड र फेलियानीले १–१ गोल गरे ।
जितले ९ अंकसहित म्यानचेस्टर युनाइटेड अंक टेबलको टपमा रहँदा न्युकमर हडर्सफिल्डले वेष्टह्यामसंग गोलरहित बराबरी खेल्दा ७ अंकसहित दोस्रो स्थानमा रहेको छ ।
बर्नमाउथलाई २–१ ले हराएको म्यानचेस्टर सिटी ७ अंकबाटै तेस्रो स्थानमा छ । सिटीलाई जिताउन गाब्रियल जिसस र रेड कार्ड खानुपूर्व रहिम स्टर्लिङले गोल गरे ।
अन्य खेलमा स्वान्सीले क्रिस्टललाई २–० ले, न्युकासलले वेष्टह्यामलाई ३–० ले हराउँदा वाट्फोर्ड र अर्को न्युकमर ब्राइटन एन्ड होभ आल्बियनले गोलरहित बराबरी खेले ।
