पोखरा । एमाले वरिष्ठ नेता तथा पूर्व प्रधानमन्त्री झलनाथ खनालले भारतीय नाकाबन्दीले नेपालीलाई आत्मनिर्भर बन्ने पाठ सिकाएको बताएका छन् । प्रेस चौतारी नेपाल कास्कीले गरेको पत्रकार भेटघाट कर्यक्रममा नेता खनालले सधैँ भारतमाथि निर्भर रहिरहने र बेलाबेलामा नाकाबन्दी लगाएर नेपाली जनतालाई दुःख दिने गरेकाले अब यो नाकाबन्दीलाई आर्शिवाद सम्झेर आत्मनिर्भरताको बाटोमा अघि बढ्नुपर्नेमा जोड दिए ।
नेता खनालले तराईका जिल्लामा शान्ति सुरक्षा प्रभावकारी हुन नसकेको बताउँदै मधेसी मोर्चाले उठाउँदै आएका मधेस दुई प्रदेश सम्भव छैन भने । व्यवस्थापिका–संसद्को दुई तिहाईबाट मात्रै संविधान संशोधन गर्न नसकिने भएकाले यो चाहिन्छ र उ चाहिन्छ भनेर बखेडा नझिक्न सम्बन्धित पक्षसँग आग्रह गरे । सरकार जति गतिशील र प्रभावकारी हुनुपर्दथ्यो त्यो हुन नसकेकामा असन्तोष व्यक्त गर्दै उहाँले जटिल चुनौतीको सामना गरी काम गर्नुपर्नेमा जोड दिए ।
