-
-
-
-
काठमाडौं । सन् २०१८ को रुस विश्वकप फुटबलका लागि भइरहेको छनौट अन्तर्गत युरोपेली समुहको ‘ए’ बाट दाबेदारी खुला भएको छ ।
फ्रान्सले लग्जेम्बर्गसंग गोलरहित बराबरी खेलेपछि दाबेदारी खुला भएको हो । फ्रान्सले कमजोर आँकिएको लग्जेम्बर्गसंग अंक बाँड्न वाध्य हुनु तथा स्विडेन र नेदरल्याण्डले जित हात पार्दा छनौटको दाबेदारी खुला भएको हो ।
स्विडेनले बेलारुसलाई ४–० ले हरायो । नेदरल्याण्डले बुल्गेरियालाई ३–१ ले हरायो । डेभी प्रोपेरले २ तथा आर्जेन रोबेनले १ गोल गरे । यो खेलमा पराजित भएको भए नेदरल्याण्डको छनौट हुने सम्भावना सकिने थियो ।
दुई खेल खेल्न बाँकी छँदा फ्रान्सको १७, स्विडेनको १६, नेदरल्याण्डको १३ तथा बुल्गेरियाको १२ अंक छ । लग्जेम्बर्ग र बेलारुसको ५–५ अंक छ ।
