-
-
-
-
बैंगलोर । भारतकी वरिष्ठ पत्रकार गौरी लंकेशको मंगलबार राति गोली हानी हत्या भएको छ ।
५५ वर्षीया गौरी लंकेशको काम सकेर घर जाँदै गर्दा मंगलबार राति ७ः३० देखि ८ बजेको समयमा अज्ञात व्यक्तिले गोली प्रहार गरी हत्या गरेको भारतीय सञ्चारमाध्यमहरुले जनाएका छन् ।
मोटरसाइकलमा आएका व्यक्तिले उनी ढोकातर्फ जाँदै गर्दा टाउको, घाँटी र छातीमा गोली हानेर हत्या गरी फरार रहेको प्रहरीले जनाएको छ ।
४० वर्षदेखि पत्रकारितामा सक्रिय रहँदै आएकी गौरी ‘लंकेश’ पत्रिकाको सञ्चालिका थिइन् ।
गौरीका पिता पी लंकेशले सन् १९८० देखि ‘लंकेश’ पत्रिकाको प्रकाशन शुरु गरेका थिए ।
लंकेश कन्नडको ट्याबलोइड पत्रिका हो ।
