-
-
-
-
मलेसिया । मलेसियामा जारी एसीसी यू–१९ एसिया कप छनोट क्रिकेटको पहिलो खेलमा नेपालले थाइल्याण्डसँग प्रतिस्पर्धा गरिरहेको छ ।
अमान क्रिकेट मैदानमा नेपालले टस जितेर पहिले ब्याटिङ गरिरहेको छ ।
नेपालले राम्रो सुरुआत गरेको छ । नेपालले १७ ओभर खेल्दा १ विकेटको नोक्सानीमा ८९ रन जोडेको छ । अनिल कुमार साह ३६ तथा सन्दिप सुनार २४ रन बनाएर खेलिरहेका छन् ।
ओपनर आशिफ शेर्ख २१ रनमा आउट भए ।
छनोटको समूह ए मा रहेको नेपालले दोस्रो खेलमा सेप्टेम्बर १३ मा भुटानविरुद्ध खेल्नेछ भने समूह चरणको अन्तिम खेलमा सेप्टेम्बर १४ तारिखमा सिंगापुरविरुद्ध खेल्नेछ ।
समूह बी मा भारत, मलेसिया, हङकङ र म्यानमार छन् ।
छनोटको फाइनलमा पुग्ने दुई टोली एसिया कपको लागि छनोट हुनेछ ।
सोमबारै भुटान र सिंगापुर भिडिरहेका छन् ।
