-
-
-
-
मलेसिया । मलेसियामा भइरहेको एसीसी यू–१९ इस्टर्न रिजन क्रिकेट प्रतियोगितामा समुहको अन्तिम खेलमा नेपालले अहिले सिंगापुरसंग खेलिरहेको छ ।
विजयका लागि नेपालले ६८ रनको सामान्य चुनौति पछ्याइरहेको छ । पवन सर्राफले आक्रामक बलिङ गरेपछि क्लव अमानको मैदानमा भइरहेको खेलमा टस जितेर पहिले ब्याटिङ गरेको सिंगापुरले २८.३ ओभरमा अलआउट हुँदै ६७ रन बनायो । सर्राफले ८ ओभरमा १२ रन खर्चेर ६ विकेट लिए ।
किशोर महतोले २ तथा कप्तान दिपेन्द्र सिंह ऐरी र सन्दिप लामिछानेले १–१ विकेट चड्काए ।
दुवै टिम यसअघिका दुवै खेल जितेर सेमिफाइनलमा पुगेकाले यो खेलको विजेता समुह विजेता बन्नेछ ।
नेपालले भुटानलाई ९ विकेटले तथा थाइल्याण्डलाई २५५ रनले हराएको थियो ।
समुह ‘बी’ मा मलेसिया, हङकङ, चीन र म्यानमार छन् ।
मलेसिया र हङकङ समुह विजेता बन्न भिडिरहेका छन् ।
फाइनल पुग्ने टोली यू–१९ एसिया कपका लागि छनोट हुने छ ।
