-
-
-
-
भिकारेज रोड स्टेडियम । इंगलिस प्रिमियर लिग फुटबलमा म्यानचेस्टर सिटीले वाट्फोर्डमाथि आधा दर्जन गोल बर्साएको छ ।
वाट्फोर्डकै घरेलु मैदानमा भएको खेलमा म्यानचेस्टर सिटी ६–० ले विजयी भएको हो ।
म्यानचेस्टरलाई जिताउन सर्जियो अगुएरोले ह्याट्रिक गरे । त्यसैगरी गाब्रियल जिसस, निकोलस ओटामेन्डी र रहिम स्टर्लिङले १–१ गोल गरे ।
यो जितले सिटी ५ खेलबाट १३ अंकसहित शिर्ष स्थानमा पुगेको छ ।
लिभरपुलले भने फेरि पनि बराबरीमा चित्त बुझाएको छ ।
लिभरपुल बर्नलीसंग १–१ को बराबरीमा अड्किएको हो ।
टोटनह्याम र स्वान्सी तथा वेष्टब्रोम र वेष्टह्यामले गोलरहित बराबरी खेले ।
साउथह्याम्पटनले क्रिष्टललाई १–० ले, न्युकासलले स्टोकलाई २–१ ले हराउँदा लेस्टरले पनि हडल्र्सफिल्डसंग १–१ को बराबरी खेल्यो ।
