- सुन चाँदी दर
- विनिमय दर
- नेपाली पात्रो
- राशिफल
काठमाडौं । निर्वाचन आयोगले सरकारले सोमबार गरेको मन्त्रिपरिषद् विस्तारको निर्णय सच्याउनको लागि सरकारसँग आग्रंह गरेको छ । सोमबार दुई राज्यमन्त्री थप गरेको विषयमा निर्वाचन आयोगले मंगलबार एक विज्ञप्ती जारी गरी निर्णय सच्याउन आग्रह गरेको हो ।
आचारसंहिता जारी भईसकेपछि भएको मन्त्रिपरिषद्को निर्णयले निर्वाचनको स्वच्छता, मर्यादा र स्वच्छ प्रतिस्पर्धा कुण्ठित हुने, राज्यका संवैधानिक निकायबीच सैवैधानिक दायित्व बमोजिम शक्ति सन्तुलन र पृथकीकरणको सिद्धान्त अवमूल्यन हुने र निर्वाचन आचारसंहिता प्रतिकूल हुने भएकोले मन्त्रिपरिषद् विस्तार गर्ने निर्णय अविलम्ब सच्याउन आयोग सरकारसँग आग्रह गर्दछ ।’ आयोगको विज्ञप्तीमा भनिएको छ ।
जम्बोमन्त्रिपरिषद् भयो भनेर आलोचना हुँदाहुँदै पनि सरकारले सोमबार उल्टै दुई राज्यमन्त्री थप गरेका थियो । सरकारको यो कमद आचारसंहिता विपरित रह्यो भनेर धेरै आलोचना भईरहेको बेलामा आयोगले यस्तो विज्ञप्ती निकालेको हो ।