-
-
-
-
सिरहा । सिरहामा पनि नेपाली काँग्रेस विजयी भएको छ । मतगणना अग्रतामा शिर्ष स्थानमा रहेको काँग्रेसले विजयमा पनि अग्रता बढाउँदै सिरहाको नवराजपुर गाउँपालिकामा विजय हासिल गरेको हो ।
काँग्रेसका अध्यक्षका उम्मेदवार बिश्वमोहन यादवले २३८३ मत प्राप्त गरी विजय हासिल गरेका हुन् ।
अध्यक्षका निकटतम प्रतिस्पर्धी संघीय समाजवादी फोरम नेपालका शिव उदगार यादवले २११४ मत ल्याए ।
उपाध्यक्षमा पनि कांग्रेसकै शोभा कुमारी यादवले २३७७ मत प्राप्त गरी विजयी भइन् ।
निकटतम प्रतिस्पर्धी एमालेकी संगिता कुमारी यादवले १९८८ मत ल्याइन् ।
यस गाउँपालिकाको वडा नं २, ४ र ५ मा काँग्रेस, १ मा एमाले र ३ मा संघीय समाजवादी फोरम वडाध्यक्षमा विजयी भएका छन् ।
