- सुन चाँदी दर
- विनिमय दर
- नेपाली पात्रो
- राशिफल
काठमाडौं । नौ वर्षपछि काठमाडौंमा जीवित देवी ‘कुमारी’को परिवर्तन गरिने भएको छ । कुमारीलाई जीवित देवीका रुपमा पुजिन्छ ।
हालकी कुमारी मतिना शाक्यको कुमारी बस्ने औसत उमेर पूरा भएकाले नयाँ ल्याउन लागिएको हो ।
मतिना २०६५ सालमा कुमारीका रुपमा कुमारी घरमा प्रवेश गरेकी हुन् । उनको उमेर १२ वर्ष पूरा भएकाले दशैंको महामअष्टमीका दिन कुमारी घरमा नयाँ कुमारी भित्राउने तयारी भएको गुठी संस्थान, प्रधान कार्यालयले जनाएको छ ।
परम्पराअनुसार बहालवाला कुमारी १२ वर्ष पुगेपछि नयाँ कुमारी प्रतिष्थापन गर्नुपर्ने मान्यता रहेको कार्यालयका उपप्रशासक दीपकबहादुर पाण्डेले जानकारी दिए ।
उनका अनुसार महिनावारी हुने उमेरलाई ध्यानमा राखेर नयाँ कुमारीको प्रतिष्थापन गर्ने तयारी भएको हो । (नागरिक दैनिक)