-
-
-
-
इन्डोर । अष्ट्रेलिया विरुद्धको एक दिवसीय क्रिकेट श्रृंखला भारतले जितेको छ । आइतबार राति इन्डोरमा भएको तेस्रो खेल ५ विकेटले जितेर भारतले ५ खेलको श्रृंखलामा ३–० को अग्रता बनाएको छ ।
पहिले ब्याटिङ गरेको अष्ट्रेलियाले ६ विकेटको नोक्सानीमा २९३ रन बनायो । आरोन फिन्चले १२५ बलमा १२४ रन बनाए ।
जसप्रित बुमराह र कुलदिप यादवले २–२ विकेट लिए ।
जवाफमा भारतले ४७.५ ओभरमा ५ विकेटको नोक्सानीमा विजय हासिल गर्यो ।
हार्दिक पाण्डेयाले ७८ तथा रोहित शर्माले ७१ रन बनाए ।
१ विकेटसमेत लिएका हार्दिक पाण्डेया म्यान अफ द म्याच भए ।
यो जितपछि भारत एक दिवसीय क्रिकेटको विश्व वरियतामा पनि शिर्ष स्थानमा रहेको छ ।
भारतको १२० अंक भएको छ भने दक्षिण अफ्रिका पछाडि परेको छ ।
टेस्टमा पनि भारत एक नम्बरमा छ । टी–२० मा भने पाँचौं स्थानमा छ ।
चौथो खेल बिहिबार बैंगलोरमा हुनेछ ।
