-
-
-
-
नागपुर । पाँचौं तथा अन्तिम एक दिवसिय क्रिकेटमा अष्ट्रेलियाले ७ विकेटको हार बेहोरेसंगै भारत पुनः विश्व नम्बर एक टीम बनेको छ ।
नागपुरमा आइतबार राति भएको खेलमा २४३ रनको लक्ष्य लिएर मैदानमा आएको भारतले ४२.५ ओभरमै ३ विकेट गुमाएर पुरा गर्न सफल भयो ।
रोहित शर्माले १०९ बलमा १२५ रन बनाए । अजिन्क्या रहानेले ६१ रन बनाए । विराट कोल्ही ३९ रनमा आउट भए । रोहित म्यान अफ द म्याच भए ।
यसअघि अष्ट्रेलियाले डेभिड वार्नरको ५३ रनको मद्दतमा ९ विकेटको नोक्सानीमा २४२ रन बनाएको थियो ।
अक्षर पटेलले ३८ रन दिएर ३ विकेट लिए । यो जितसंगै भारत पुनः एक नम्बर टिम बनेको हो ।
यसअघिको चौथो खेल हारेर भारत दोस्रो नम्बरमा झरेको थियो । पाँचौं खेल जितेर भारतले ५ खेलको श्रृंखला ४–१ ले जितेको छ ।
हार्दिक पाण्डेया म्यान अफ द सिरिज भए ।
