-
-
-
-
काठमाडौं । विश्वकप छनोट फुटबलमा समुह विजेता बन्दै रुसको टिकट काटे पनि समुहको अन्तिम खेलको प्रदर्शनले इंगल्याण्डका दर्शक निराश भएका छन् ।
इंगल्याण्डले अन्तिम खेलमा लिथुआनियालाई १–० ले हरायो । जम्मा ५,४०० दर्शकमात्र उपस्थित खेलमा ह्यारि केनले पेनाल्टीबाट २७ मिनेटमा गोल गरे ।
यो समुहबाट इंगल्याण्ड २६ अंकसहित शिर्ष स्थानमा रहेर विश्वकपमा पुग्यो ।
स्लोभाकियाले भने प्लेअफको टिकट काटेको छ ।
माल्टालाई ३–० ले हराउँदै स्लोभाकियाले प्लेअफमा ठाउँ बनाएको हो ।
स्लोभेनियासंग २–२ गोलको बराबरीमा रोकिएपछि स्कटल्याण्ड प्लेअफ खेल्नबाट चुक्यो ।
समान १८ अंक बटुले पनि स्लोभाकियाले बाजी मार्यो ।
