-
-
-
-
मोङकक । आइसीसी वल्ड क्रिकेट लिग च्याम्पियनसिपको छैटौं चरणको खेलमा नेपालले हङकङसँग खेलिरहेको छ । हङकङको मोङकक मैदानमा नेपालले टस जितेर पहिले फिल्डिङ गरिरहेको छ ।
नेपालका करण केसीले हङकङले रनको खाता खोल्न नपाउँदै विकेट लिएका थिए ।
घरेलु मैदानमा हङकङ दबाबमा खेलिरहेको छ । शुक्रबार र आइतबार हुने दुई खेलले विश्व क्रिकेटमा नेपालको अबको यात्रा तय गर्दैछ ।
प्रतियोगिताको शीर्ष चारमा पर्ने सम्भावना जीवित राख्न नेपालले हङकङलाई दुबै खेलमा पराजित गर्नुपर्नेछ ।
च्याम्पियनसिपमा नेपाल ८ अंकसहित छैठौं स्थानमा छ । ११ अंकसहित हङकङ पाँचौ स्थानमा रहेको छ । नेदरल्याण्ड्स १८ अंकसहित पहिलो तथा पपुवा न्युगिनी १६ अंकसहित दोस्रो स्थानमा छ ।
स्कटल्याण्ड १५ अंकसहित तेस्रो तथा केन्या चौथो स्थानमा छ ।
