-
-
-
-
हङकङ । विश्व क्रिकेट लिग च्याम्पियनसिप अन्तर्गत नेपाल र हङकङबीचको दोश्रो खेल आँधीका कारण स्थगित भएको छ ।
आइतबार बिहान हुनुपर्ने खेल समुन्द्री आँधीका कारण सोमबारका लागि सरेको हो ।
शनिबारदेखि नै टाइफुन थ्री आइसकेको जनाउ दिइएको थियो ।
टाइफुन एट आउने भएसंगै हङकङ्ग क्रिकेटको आधिकारिक ट्वीटर ह्याण्डलले खेल सोमबारलाई सार्नु परेको जनाएको छ ।
नेपाली टोलीका व्यवस्थापक रमन शिवाकोटीका अनुसार म्याच रेफ्रीले नेपाली टोलीलाई होटलबाट बाहिर ननिस्कन भनेका छन् ।
हङकङमै गत शुक्रबार भएको महत्वपुर्ण खेलमा नेपाल ८३ रनले पराजित भएको थियो । यो हारले नेपाली टोलीमा समुन्द्री आँधी आइसकेको छ ।
विश्वकप छनौट क्रिकेटको सम्भावनालाई जिवितै राख्न नेपालले हङकङलाई हराउनै पर्नेछ ।
