- सुन चाँदी दर
- विनिमय दर
- नेपाली पात्रो
- राशिफल
डोटी । बड्डीकेदार गाउँपालिका २ खड्यौलीमा बस दुर्घटना हुँदा तीनजनाको घटनास्थलमै मृत्यु भएको छ ।
मृत्यु हुनेमा बड्डीकेदार गाउँपालिका ४ का ३५ वर्षीया मीनादेवी पुनमगर, ४५ वर्षीय जगदीश चन्द र तीन वर्षीया पुष्पा जेठारा रहेका छन्
बसमा सवार १८ जना घाइते भएका छन् । घाइतेलाई उपचारका लागि कैलालीको धनगढी पठाइएको छ । मृतक तीनैजना बड्डीकेदार गाउँपालिका ४ का बासिन्दा रहेको स्थानीयवासीले बताएका छन् ।
बर्छेनबाट धनगढीतर्फ जाँदै गरेको सुदूरपश्चिम यातायातको ना३ख ५६४८ नंको बस आज बिहान दुर्घटना भएको हो । बिपीनगर र घाँगलबाट उद्धारका लागि प्रहरी घटनास्थलमा पुगेको प्रहरी निरीक्षक रणबहादुर विष्टले जानकारी दिए । रासस