-
-
-
-
काठमाडौं । स्पेनिस क्लव बार्सिलोना घरेलु फुटबल प्रतियोगिता कोपा डेल रे को क्वार्टरफाइनल नजिक पुगेको छ ।
प्रिक्वार्टरफाइनलको पहिलो लेगको खेलमा रियाल मुर्सियालाई ३–० ले हराउँदै बार्सिलोना क्वार्टरफाइनल नजिक पुगेको हो ।
लियोनल मेस्सी, लुइस सुवारेज र एन्द्रेस इनेस्ताबिना नै खेलेको बार्सिलोनालाई जिताउन बी टिमका युवा खेलाडी जोस आर्नेजले डेब्यु गोल गरे ।
त्यस्तै फ्रान्सिस्को अल्कासेर र जेनार्ड डेलोफेउले १–१ गोल गरे ।
अन्य खेलमा रियाल बेटिसले काडिजलाई २–१ ले, भ्यालेन्सियाले जारागोजालाई २–० ले, एलाभेसले गेटाफेलाई १–० ले हरायो ।
