-
-
-
-
स्पेन । स्पेनिस कप फुटबल कोपा देल रे मा ला लिगा च्याम्पियन रियाल मड्रिड चौथो चरणको खेलमा विजयी भएको छ । रियालले फुन्लाब्राडालाई २–० ले हरायो ।
रियाल मड्रिडले दुबै गोल पेनाल्टीबाट गरेको थियो । मार्को एसेन्सियो र लुकास भाज्क्वेजले गोल गरेका हुन् ।
खेलमा तेस्रो डिभिजनको क्लव फुन्लाब्राडाका क्यान्डेला पास्कल र रियालका भालेयोले दोहोरो पहेंलो कार्ड खाएका थिए । पहिलो लेगको खेल जितेसंगै रियाल क्वाटरफाइनल नजिक पुगेको छ ।
अन्य खेलहरुमा रियाल सोसिडाड, लास पाल्मस र लेभान्ते पनि विजयी भएका छन् ।
लास पल्पसले डेपोर्टिभोलाई ४–१ले, लेभान्तेले गिरोनालाई २–० ले, सोसिडाडले स्पोर्टिलाई १–० ले हराउँदा स्पानियोल र टेनेरिफले गोलरहित बराबरी खेलेका छन् ।
