डोटी । डोटीको केआई सिंह गाउँपालिकामा वडा नम्बर ३ मा जीप दुर्घटना हुँदा तीन जनाको घटनास्थलमै मृत्यु भएको छ भने ३ जना घाइते भएका छन् । केआई सिंह गाउँपालिकाको वडा नम्बर २ तिखात्तरबाट दिपायल आइरहेको से १ ज २६५ नम्बरको बोलेरो जीप सोही गाउँपालिकाको वडा नं. ३ देउरडी बजार नजिक दुर्घटना हुँदा ३ जनाको मृत्यु भएको हो ।
मृत्यु हुनेमा जीप चालक सोही गाँउपालिका वडा नम्बर १ का वर्ष ५५ का खेमराज ओझा, आर्दश गाउँपालिका वडा नम्बर १ की वर्ष १९ की अनिता खड्का रहेकी छन भने १ जनाको सनाखत हुन बाकी रहेको छ ।
त्यसै गरी घाईतेहरुमा के आई सिंह गाँउपालिका १ बस्ने वर्ष ४३ का हेमराज उपाध्याय, आदर्श गाँउपालिका १ की वर्ष ४२ की हासु देवी खड्का रहेकी छन भने १ जना घाईतेको विवरण खुल्न नसकेको र अहिले तिनै जनाको दिपायल स्थित सुजङ अस्पतालमा उपचार भैरहेको जिल्ला प्रहरी कार्यालय डोटीका प्रहरी नायब उपरिक्षक शिव सिंहले बताएका छन् ।
११ जना यात्रु रहेको उक्त जिवमा अन्य ५ जना सकुशल रहको र जीप के कती कारणले दृर्घटना भएको खुल्न नसकेको घटनाको थप विवरण आउन बाँकी रहेको समेत जिल्ला प्रहरी कार्यालय डोटीले जानकारी दिएको छ ।
