- सुन चाँदी दर
- विनिमय दर
- नेपाली पात्रो
- राशिफल
काठमाडौं । अख्तियार दुरुपयोग अनुसन्धान आयोगले पूर्व प्रहरी महानिरीक्षक आईजीपी उपेन्द्रकान्त अर्यालसँग बयान लिएको छ । अख्तियारले अर्यालविरुद्ध अकुत सम्पत्ति जोडेको शंकामा छानविन गरिरहेको छ ।
आईजीपी अर्यालले पदको दुरुपयोग गरी झण्डै पाँच करोड रुपैयाँ गैर कानुनी सम्पत्ति आर्जन गरेको अख्तियारको जिकिर छ ।
अर्यालले आइतबार झण्डै ६ घण्टा बयान दिए । केही महिना अघि अख्तियारले अर्याललाई १३ पन्नाको विवरण भराएको थियो ।
अख्तियारले आइतबारै विद्युत प्राधिकरणको ट्रान्सर्फमर खरिद घोटालाबारे पूर्वमुख्य सचिव राजेन्द्रकुमार क्षत्री, वहालवाल सचिव अर्जुनकुमार कार्की र पूर्वसचिव विश्वप्रकाश पण्डितसँग समेत बयान लिएको छ ।
यस्तै, अख्तियारले वहालवाला सचिव गजेन्द्र ठाकुर र काठमाडौं महानगरपालिकाका दुई डीएसपी धनपति सापकोटा र राजुनाथ पाण्डेसँग पनि बयान लिएको छ ।