-
-
-
-
क्वालालम्पुर । यु–१९ एसिया कप क्रिकेट प्रतियोगिता शुक्रबारदेखि मलेसियामा सुरु भएको छ ।
पहिलो खेलमा आयोजक मलेसियाले भारतसंग किन्रारा मैदानमा खेल्दैछ ।
पहिलो दिन तीन खेल हुँदैछन् । अर्को खेलमा पाकिस्तानले अफगानिस्तानसंग बेउमासमा खेल्दैछ ।
त्यसैगरी तेस्रो खेलमा श्रीलंकाले युएईसंग आरएससीमा खेल्दैछ ।
नेपालले भने पहिलो खेलमा शनिबार बंगलादेशसंग खेल्दैछ ।
समुह ए मा रहेको नेपालसंगै मलेसिया, बंगलादेश र भारत रहेका छन् ।
नेपालले मलेसिया जानुअघि बंगलादेशमै अभ्यास गरेको थियो । नेपालले बंगलादेशसंग खेलेका २ मध्ये १ खेल जितेको थियो ।
नेपाली टोलीको कप्तानी दिपेन्द्र सिंह ऐरीले सम्हालेका छन् ।
दोस्रो समुहमा पाकिस्तान, श्रीलंका, अफगानिस्तान र युएई रहेका छन् ।
समुहका शिर्ष दुई टिम सेमिफाइनलमा पुग्नेछन् ।
