-
-
-
-
काठमाडौं । इराक र इरानको उत्तरी सीमा क्षेत्रमा गएको शक्तिशाली भूकम्पले कम्तिमा ६५ जनाको मृत्यु भएको छ । सयौं घाइते भएका छन् ।
भूकम्पका कारण पश्चिम इरानमा कम्तिमा ६१ र इराकमा ४ जनाको मृत्यु भएको बीबीसीले उल्लेख गरेको छ । इरानमा मात्रै कम्तिमा ३ सय जना मानिस घाइते भएका छन् ।
इराकमा पनि थुप्रै घाइते भएका छन् । मृतकको संख्या बढ्न सक्ने जनाइएको छ ।
उद्धार कार्य जारी रहेकाले हताहतीको संख्या बढ्ने उद्धारमा संलग्न अधिकारीहरुलाई उधृत गर्दै बीबीसीले उल्लेख गरको छ ।
