-
-
-
-
काठमाडौं । डेनमार्क अर्को वर्ष रुसमा हुने विश्वकप फुटबलका लागि छानिएको छ । मंगलबार रातिको खेलमा आयरल्याण्डलाई ५–१ ले पराजित गरेपछि एग्रिगेटमै ५–१ को अग्रतासहित डेनमार्कले रुसको टिकट काटेको हो ।
युरोपियन समुहबाट विश्वकपमा छानिने अन्तिम टोली बनेको डेनमार्कलाई जिताउन क्रिष्टियन एरिक्सेनले ह्याट्रिक गरे । त्यस्तै एन्द्रेस क्रिष्टेन्सेन र निकालास बेन्टनरले १–१ गोल गरे ।
आयरल्याण्डले खेलको ६ मिनेटमै शान डुफीको गोलबाट प्रारम्भिक अग्रता लिएको थियो ।
यो छनोटपछि अहिलेसम्म विश्वकपमा आयोजक रुससहित ३० राष्ट्र छानिएका छन् । अब दुई टोलीको छनोट हुन बाँकी छ ।
