अव युवाले खाडीमा होइन नेपालको माटोमै पसिना बगाउने वातावरण निर्माण गर्नुपर्छ : काँग्रेस नेता चौधरी
प्रकाशित २०७४ मंसिर १ शुक्रबार
612
Shares
दाङ । श्रमराज्यमन्त्री डिल्लीबहादुर चौधरीले अवको अभियान संवृद्ध नेपाल निर्माण भएको बताएका छन् ।
नेपाली काँग्रेसले तुलसीपुर ४ मा आयोजना गरेको कार्यक्रममा अव देशमा आर्थिक संमृद्धी आवश्यक भएकाले नेपालमै कल कारखाना तथा उद्योग स्थापना गरी युवालाई स्वदेशमै रोजगार सिर्जना गर्नुपर्नेमा उनले जोड दिए ।
"अव युवाले खाडी मुलुकमा पसिना बगाउने होइन, नेपालको माटोमै पसिना बगाउने वातावरण निर्माण गर्नुपर्छ" मन्त्री चौधरीले भने
नेपाली काँग्रेस दाङ क्षेत्र नं ३ (क) प्रदेशसभा सदस्यको उम्मेदवार समेत बनेका चौधरीले देशको विकाश र निकाशका लागि लोकतान्त्रिक शक्तिलाई जिताउन आग्रह समेत गरे । उनले भने "हामीले गरेका बाचा पूरा गरेका छौँ, अघिल्लो निर्वाचनमा मैले जनतासँग संविधान निर्माणका लागि भोट मागेका थियौँ त्यो आयो अव विकासका लागि मतदान गरी काँग्रेसलाई विजयी गराउन तपाईहरूसँग आग्रह गर्दछु ।"
उनले जनतासँग गरेको विकास र निर्माण सम्बन्धी बाचा पनि पूरा गरेको बताए । नेपाली काँग्रेसले जनतासँग कहिल्यै झुट नबोल्ने भन्दै प्रजातान्त्रिक व्यवस्थामा मात्र सबैका हकअधिकार स्थापना हुने भएकाले नेपाली काँग्रेसलाई विजयी गराउन उनको आग्रह थियो ।
