- सुन चाँदी दर
- विनिमय दर
- नेपाली पात्रो
- राशिफल
बाजुरा । बाजुराको बुढीनन्दा नगरपालिका वडा नं ५ दानुसाँगुमा ट्याक्टर दुर्घटनामा परेको छ ।
सदरमुकाम मार्तडीबाट प्रतिनिधि सभा र प्रदेश सभा निर्वाचनको सुरक्षाका लागि खटिएर गएका ट्याक्टरमा सवार ४ जना म्यादी प्रहरी घाईते भएका छन् ।
सोमबार साँझ ५ बजेतिर से १ त ४४६६ नम्बरको ट्याक्टर सडकमा पल्टिएको थियो ।
घाईते हुनेमा गौमुल गाउँपालिका वडा नं ४ घर भएकी म्यादी प्रहरी जवान कागती रोकाया, जमुना रोकाया त्यस्तै गौमुल गाउँपालिका वडा नं ६ का विशाल रोकाया र निराजन रोकाया रहेको जिल्ला प्रहरी कार्यालय बाजुराका प्रहरी नायव उपरिक्षक हरी ओलीले बताए ।
ट्याक्टर के कति कारणले दुर्घटनामा परेको त्यो भने जानकारीमा आएको छैन । दुर्घटनामा घाईते भएकाहरुलाई कोल्टी प्राथमिक स्वास्थ्य केन्द्रमा उपचारका लागि लगिएको प्रहरीले जनाएको छ ।
घाईतेहरुको अवस्था गम्भिर रहेको प्रहरी भनाई रहेको छ ।