-
-
-
-
बैंकक । थाइल्याण्डको बैंककमा भइरहेको टि–२० महिला विश्वकप क्रिकेट छनोट प्रतियोगिताको चौथो खेलमा नेपालले मलेसियालाई ३३ रनले पराजित गरेको छ ।
१०९ रनको चुनौति पछ्याएको मलेसियाले निर्धारित २० ओभरमा ७ विकेटको नोक्सानीमा ७५ रन मात्र बनाउन सक्यो ।
इमिलिया एलियानीले सर्वाधिक २४ रन बनाइन् ।
नेपालका लागि करुणा भण्डारीले ३ विकेट लिइन् ।
पहिले ब्याटिङ गरेको नेपालले निर्धारित २० ओभरमा ६ विकेटको नोक्सानीमा १०८ रन बनायो ।
नेपाली टिमले राम्रो सुरुआत गरेपनि मध्यक्रमको ब्याटिङ सुस्ताएपछि कम योगफलमै समेटिएको हो ।
पहिलो विकेटका लागि ६६ रनको पार्टनरसिप गर्ने क्रममा सीता राना मगरले ४२ बलमा ३७ रन बनाइन् ।
ओपनर ज्योति पान्डेले ३९ बलमा २१ रन जोडिन् ।
काजल श्रेष्ठले १८ बलमा १४ रन जोडिन् ।
रोमा थापाले ६ बलमा ६ रन बनाइन् ।
इन्दू बर्माले ४ बलमा नटआउट ६ रन जोडिन् ।
कप्तान रुबिना क्षेत्रीले १ बलमा नटआउट २ रन बनाइन् ।
नेरी थापाले ५ रन जोडिन् । रितु कनौजियाले १ रन बनाइन् ।
यसअघिका तीन खेलमध्ये दुईमा बराबरी र एकमा हारको सामना गरेको नेपाललाई अन्तिम चरणको छनोटमा पुग्ने सम्भावना जीवित राख्न मलेसियालाई हराउनै पर्ने थियो ।
पहिलो खेलमा आयोजक थाइल्याण्डसंग र दोस्रो खेलमा हङकङसंग बर्षाका कारण अंक बाँडेको नेपालले बिहिबार तेस्रो खेलमा युएईसँग ५ रनको हार बेहोरेको थियो ।
अब अन्तिम खेलमा नेपालले आइतबार चीनसंग खेल्दैछ ।
६ टोलीमध्ये शिर्ष दुईमा रहने टोलीले विश्वकप छनोटको अर्को चरण खेल्न पाउने छ ।
