-
-
-
-
काठमाडौं । इङ्लिस प्रिमियर लिग फुटबलमा डिफेन्डिङ च्याम्पियन चेल्सीले लिभरपुलसंग बराबरीको खेल खेलेको छ ।
लिभरपुलको मैदान एन्फिल्डमा भएको खेल १–१ को बराबरीमा सकिएको हो ।
मोहम्मद सलाहले ६५ औं मिनेटमा गोल गर्दै लिभरपुललाई अग्रता दिलाए पनि ८५ औं मिनेटमा विलियनले गोल फर्काउँदै चेल्सीलाई बराबरीमा ल्याए ।
म्यान्चेस्टर युनाईटेडले ब्राईटनलाई १–० ले हरायो । संघर्षपुर्ण जितका लागि लेविस डंकले आत्मघाती गोल गरेका थिए ।
क्रिष्टल प्यालेसले स्टोक सिटीलाई २–१ ले, वाट्फोर्डले न्युकासल युनाईटेडलाई ३–० ले हराउँदा टोटनह्याम हट्सपर र वष्ट ब्रोमले १–१ को बराबरी रोक्दा स्वान्सी सिटी र बर्नमाउथले गोलरहित बराबरी खेले ।
अंक तालिकामा म्यानचेस्टर सिटीको १२ खेलबाट ३४, म्यानचेस्टर युनाइटेडको १३ खेलबाट २९, चेल्सीको १३ खेलबाट २६ तथा टोटनह्यामको २४ अंक छ ।
